Покрај тоа што дава енергија, кафето има многу здравствени придобивки. Го намалува ризикот од болести на црниот дроб, тип 2 дијабетес, деменцијата, па дури и некои видови рак.
Полно студии, пак, покажале дека пиење на неколку шолји кафе дневно служат како превенција дури и на прерана смрт. Доколку не го поднесувате горчливиот вкус на кафето и го пиете засладено, со него внесувате и полно рафиниран шеќер или вештачки засладувачи кои се штетни по здравјето.
Еве на какви сè здрави начини можете да го засладите кафето:
1) Бадемово млеко
Не треба да сте веган за да уживате во вкусот на бадемовото млеко, кое инаку содржи повеќе калциум и помалку маснотии од кравјото млеко. Некои варијации како оние засладени со ванила или мед му даваат уште поубав вкус на пијалокот во споредба со обичното млеко.
2) Путер
Можеби не го сметате путерот како здрава храна, но професионалните нутриционисти често ја препорачуваат комбинацијата на путер и кафе како здрава, бидејќи поволно делува на метаболизмот и на нивото на енергија. Сепак се работи за тренд кој што заслужува да сте скептични, така да најдобро е самите да ги испробате ефектите на оваа комбинација.
3) Цимет
Циметот го подобрува вкусот на многу работи, па така и на кафето. Покрај тоа, овој зачин е одличен и за подобрување на метаболизмот и намалување на воспаленијата.
4) Темно чоколадо
Ова е една од омилените опции за засладување на полно љубители на кафе. Задолжително додадете го во кафето додека е сè уште врело, со што ќе му дадете богат вкус и кремаста текстура, плус сите здравствени придобивки на темното чоколадо.
5) Мед
Богат со моќни антиоксиданси, и покрај тоа што е „шеќерест“ и сладок, медот е многу поздрава опција отколку обичниот бел рафиниран шеќер.
6) Стевиа
Стевиата изгледа исто како шеќерот, но е послатка, па така наместо една или две полни лажички, потребно е да се стави значително помала количина за да го добиете истиот вкус како од обичниот шеќер.