Повеќето луѓе имаат недостаток од витаминот Д, особено во зима кога шансите за изложеност на сонце се намалени. Според националниот здравствен институт, на жените на возраст помеѓу 19 и 50 им се потребни 600 IU (international units/интернационални единици) витамин Д секој ден.
Еве која храна е богата со овој витамин која е пожелно да ја консумирате особено во зимскиот период:
1) Лосос (447 IU порција)
Оваа риба е природно богата со витаминот Д, а дивиот лосос има 25% повеќе од овој витамин отколку оној од фармите.
2) Туна од конзерва ( 154 IU порција)
Покрај витаминот Д, туната од конзерва има импресивни нивоа на ниацин и витамин К.
3) Сок од портокал (137 IU чашка)
Сокот од портокал изобилува со повеќе витамини меѓу кои и А и Ц, како и тиамин, фолати, влакна и калиум.
4) Млеко/милкшејк (120 IU чашка)
Безмасното како и млеката со редуцирани или полни масти се одличен извор на витамин Д, калциум, фосфор и рибофлавин. Во оваа категорија спаѓа и јогуртот кој има 80IU од витаминот.
5) Жолчки од јајца (41 IU по јајце)
Јајцата несени од кокошки кои биле пуштани на „слободно пасење“ за разлика од оние одгледувани во затворен простор се побогати со витаминот Д, и тоа 3 до 4 пати повеќе од конвенционалните, бидејќи тие биле изложени на повеќе сончева светлина. Затоа при купувањето доколку имате избор од т.н „free-range” јајца, купете од нив.