Кога во организмот не внесуваме доволно железо, можеме да развиеме анемија која предизвикува мал бројка на црвени крвни клетки, што нè прави да се чувствуваме уморно и слабо.
Еве која храна изобилува со железо и која треба да ја внесуваме во нас што почесто:
1) Леќа
Леќата содржи железо кое е дериват од растително потекло и на телото му е потешко да го апсорбира во споредба со она од животните. Но и покрај тоа е одличен извор на железо идеален за вегетаријанците или веганите.
2) Спанаќ
Покрај железото, спанаќот е богат и со витамин Ц и антиоксиданси.
3) Говедско месо
Црвеното месо е одличен начин да се подобри нивото на железо во крвта, бидејќи телото многу лесно го апсорбира од него.
4) Сардини
Само 85g. сардини од конзерва имаат околу 2 милиграми железо.
5) Кељ
Покрај здравата доза железо, кељот е и одличен извор на влакна, протеини, калциум и витамините А, Ц, и Б6.
6) Брокула
Брокулата содржи и витамин Ц кој му помага на телото подобро да го апсорбира железото.
7) Семки од тиква
Скоро сечиите омилени „грицки“ содржат 4 милиграми железо во 85 грама.
8) Темно чоколадо
Сè повеќе и повеќе студии препорачуваат да се консумира по малку темно чоколадо секој ден, што е и разбирливо бидејќи 85 грама содржат околу 3 милиграми железо, како и антиоксиданси и влакна кои го подобруваат здравјето на стомакот.