Љубители сте на добрата паста и сакате да испробате еден малку поинаков рецепт?
Оваа недела од Dave’s Kitchen кујната, Давор го споделува својот совршен рецепт за полнети паста школки со фил од артичока.
Потребни состојки:
- 1 пакување паста во форма на школки
- 300 гр урда
- 200 гр. артичока од конзерва
- Сол и бибер по вкус
- 3 лажици пармезан
- 100 гр рендан кашкавал - Пекорино
- 4 лажици кисела павлака
- Доматен сос
Начин на подготовка:
Сварете ја пастата во зовриена вода. Помешајте ги сите состојки за филот и наполнете ги сварените школки. Во огноотпорен сад нанесете доматен сос и наредете ги школките. Нанесете рендан кашкавал. Печете на 180 степени околу 20 до 25 минути.
За повеќе идеи за тоа што вкусно да подготвите, посетете го ФБ профилот на Давор, Dave’s Kitchen.