Покрај стресот, доволно долгото спиење, носење заштита за сонце и слично и начинот на исхрана значително влијае за одржувањето на здравјето на кожата.
1) Боровинки
Боровинките се богати со антиоксиданси и витамин Ц, кој помеѓу другите работи влијае и на заштита на кожата од UV зраците.
2) Јагоди
Слично на боровинките и јагодите се богати со антиоксиданси и витамин Ц, а имаат многу малку шеќер во нив што е одлично доколку сакате да јадете нешто слатко, а здраво.
Инаку, секоја храна која е богата со шеќери може да предизвика воспалувања која може да достигне до горниот слој на кожата и да ги затвора порите со што се заробуваат бактерии, што води до создавање на акни.
3) Домати
Изобилството на витамините Ц и А е есенцијално за создавање на здрави кожни клетки. Витаминот А познат и како ретинол е вообичаена состојка во продуктите против стареење и акни бидејќи промовира создавање на колаген.
4) Месо од кокошка
Протеините се основен дел од секоја здрава исхрана и се извор на амино киселини кои промовираат создавање на клетки. Тие се основните градбени блокови на колагенот кој кожата ја штити од формирање на брчки.
5) Лосос
Лососот е богат со амино киселини и протеин и е еден од најдобрите извори на омега-3 масните киселини кои кожата ја одржуваат навлажнета.
6) Кељ
Ретинолот и неговите деривати познати како ретиноиди (кои ги содржи кељот) промовираат создавање на колаген.
7) Моркови
Морковите содржат бета-каротен кој телото го конвертира во активен молекул ретинол односно витаминот А.
8) Црвено вино
Црвеното вино содржи антиоксиданс наречен ресвератол кој поволно влијае на кожата, но важно е да се напомене дека за да виното е корисно, мора да се пие умерено.