Нашиот имунолошки систем служи како штит од инфекции и бактерии, а за да се осигурaте дека секогаш ќе биде во топ форма, покрај водењето здрав и физички активен живот, вклучете ги овие работи во вашата исхрана
1) Јогурт
Добрите бактерии познати како пробиотици ги има во разни продукти од јогурт. Некои студии покажале дека консумирањето јогурт помага на пациентите со воспалени црева за подобрување на нивниот имунолошки систем.
2) Печурки
Печурките се богати со антиоксиданси, а клетките од кои тие настануваат, наречени мицелиум, имаат уникатни карактеристики кои користат во борбата против вируси и бактерии. Во студија на универзитетот во Флорида било забележано подобрување на имунитетот кај оние кои секој ден јаделе шитаке печурки.
3) Супа од кокошка
Оваа супа е полна со калциум, сулфур и магнезиум, а нејзината способност да го подобрува имунитетот е поврзана со цистеинот – аминокиселина која се ослободува од кокошката за време на нејзиното готвење.
4) Ореви, лешници, кикирики и др.
Помеѓу другите хранливи состојки, ваквите „грицки“ се богати со селен и витамин Е кои помагаат на телото да се бори против инфекциите.
5) Лук
Лукот е одличен извор на антиоксиданси и содржи соединенија кои имаат моќен ефект врз имунолошкиот систем и помагаат при апсорпцијата на други минерали.