Кромидот отсекогаш се ценел - археолозите имале откриено траги на кромид кои датирале од 5000 п.н.е., а се верува дека во античкиот Египет кромидот бил обожуван бидејќи неговата форма и концентричните кругови симболизирале вечност. Во средновековниот период се користел за плаќање на услуги и разни добра и бил даван како подарок.
Кромидот не содржи премногу витамини и минерали – еден со средна големина има околу 44 калории, 20% од дневната потреба на Ц витамин, и помеѓу 5 и 10% од дневната потреба на Б6, фолати, калиум и манган. Меѓутоа, тој е преполн со антиоксиданси (најмногу во надворешните слоеви) меѓу кои и кверцетинот, потентна анти-воспалителна состојка.
Тој има и анти-канцерогени својства. Во студија објавена во американскиот журнал за клиничка исхрана, истражувачи анализирале колку често луѓето во Италија и Швајцарија јаделе кромид и лук, по што било утврдено дека помеѓу студираната популација имало поврзаност помеѓу фреквенцијата на јадење на овие зеленчуци и ризикот од неколку вообичаени врсти на канцер. Колку повеќе кромид и лук тие јаделе, толку била помала застапеноста на канцерот.
Друга студија, пак, која се занимавала со перименопаузалните и постменопаузалните жени постари од 50 години, открила поврзаност помеѓу консумирањето кромид и густината на коските. Оние кои често јаделе кромид имале поголема густина на коските, како и намален ризик за фрактура на колкот за 20% во споредба со оние кои никогаш не го јаделе.
Кромидот исто така го подобрува варењето на храната, а причината за тоа е инулинот во нив, еден вид на влакна кои функционираат како пребиотици. Пребиотиците се всушност храна за пробиотиците и ја помагаат нивната функција. Инулинот ја сопира и констипацијата т.е запекот, ја подобрува регулацијата на шеќерот во крвта како и апсорпцијата на хранливите состојки. Според одредени истражувања, пак, кромидот помага и за намалување на холестеролот.
Покрај сите овие придобивки, кромидот ја подобрува и функцијата на доматите. Научниците веруваат дека сулфурните состојки во кромидот ја подобруваат апсорпцијата на ликопенот, антиоксиданс кој го има во доматите, а кој е поврзан со заштитата од канцерите и срцевите заболувања, како и со здравјето на мозокот, коските и очите.