Кафето покрај тоа што е еден од најомилените пијалаци во чиј вкус ужива мнозинството од светското население, нуди и голем број здравствени придобивки.
1) Може да го продолжи животот
Според некои студии, кафето и виното можат да го продолжат животот. Во една студија направена врз над 1600 луѓе на возраст од над 90 години, оние кои живееле најдолго имале навика да пијат вино и кафе.
2) Ги подобрува срцевите отчукувања
Абнормалноста на срцевите отчукувања не е добра, бидејќи може да предизвика болки во градите, губење на воздухот, па дури и срцев удар. Кафето помага за што порегуларни срцеви отчукувања и превенција од неправилни и често пребрзи отчукувања.
3) Го намалува ризикот од прерана смрт
Според разни истражувања, кафето го намалува ризикот од прерана смрт од различни причини, а значајна разлика се постигнува со пиење на 3 кафиња дневно.
4) Добро е за мозокот
Докажано е дека пиење на 3 шолји кафе дневно служи како превенција од Алцхајмеровата болест, а помага и за одложување на когнитивниот пад.
5) Го намалува ризикот од тип 2 дијабетес
Според една 11-годишна студија, пиењето кафе е во корелација со намалениот ризик од тип 2 дијабетес, а оваа здравствена придобивка е ексклузивна за црното кафе.
6) Добро е за црниот дроб
Студија врз 430 000 партиципанти покажала дека зголемување на внесот на кафе на најмалку 2 шолји дневно драматично го намалува ризикот од цироза на црниот дроб или на хронично оштетување кое може да доведе до негово откажување.
7) Jа зајакнува ДНК
ДНК не е нешто што може да го зајакнете во теретана – туку само со исхраната. Послабата ДНК лесно се распаѓа, а така оштетената ДНК го зголемува ризикот од канцер. Студии покажале дека пиењето кафе ја намалува фреквенцијата на распаѓање на нишки ДНК кај партиципантите.