Нема ништо повкусно од тоа да си подготвите домашен сладолед. Од една страна, брзо се подготвува, за само 5 минути, а од друга страна пак ќе бидете сигурни дека јадете нешто домашно.
Децата со сигурност ќе му се израдуваат, а доколку сакате можете да ја дуплирате дозата и да имате сладолед во текот на целата недела.
Потребни состојки:
- 375 мл. млеко
- 3 кесички за шлаг
- 150 мл. кондензирано млеко
- 50 мл. јогурт
- 3 праски исечкани на коцки
- 1 лажичка цимет
Начин на подготовка:
Во длабок сад изматете ги заедно млекото, кесичките за шлаг и кондензираното млеко во лесна шлаг пена. Потребно е да биде полу густа. Додадете го јогуртот, циметот и парчињата праска и промешајте додека смесата не се соедини. Префрлете ја смесата во сад за замрзнување и одозгора додадете уште неколку парчиња исечкани праски. Замрзнете минимум 3 часа.
За повеќе рецепти посетете ја официјалната ФБ страна на Давор, Dave’s Kitchen.