Без разлика дали се подготвувате за на плажа, некој специјален настан, или едноставно сакате да се чувствувате најдобро што можете, одредена храна може да придонесе многу за тоа дали ќе се чувствувате подуени или не.
За спречување и намалување на подуеноста, еве која храна треба да ја внесувате наместо млечни производи, преслатка, пресолена и масна храна или газирани пијалаци.
1) Банани
Бананите се одличен извор на калиум, кој помага во менаџирање на нивото на натриум во организмот и го спречува подувувањето предизвикано од констипација.
2) Целер
Целерот природно се бори против задршката на вода и помага за ослободување од гасовите. Поради тоа што е богат со влакна, тој ја помага функцијата на дигестивниот систем.
3) Ананас
Ова тропско овошје е полно со ензимот бромелаин кој помага за разложување на протеините и го олеснува варењето на храната.
4) Овес
Почнете го утрото со порција овес - го подобрува варењето, што помага за намалување на подуеноста.
5) Краставици
Покрај тоа што се богати со вода, краставиците содржат и флавоноиден антиоксиданс наречен кверцетин, кој помага за намалување на подуеноста.
6) Ѓумбир
Овој супер-корен го намалува гадењето, помага при варењето на храната, а има и анти-воспалителни својства, па така слободно додавајте го во вашите смутија, чаеви, вода или во разни сосови.