Одредена храна и навики можат да ја поттикнат работата на метаболизмот. Покрај физичката активност и адекватното спиење, храната која секојдневно ја консумираме игра огромна улога во ефикасноста со кое нашето тело ја согорува истата.
Избегнете го забавувањето на метаболизмот и внесувајте што повеќе од оваа храна за да ги постигнете вашите цели поврзани со губењето на тежината:
1) Риба богата со омега-3 масни киселини
Студија од 2015-та сугерира дека консумирање на риба богата со омега-3 масни киселини ја зголемува RMR (ефикасноста на метаболизмот во мирување) за 14%, и го зголемува бројот на согорени калории за време на вежбање за 10%. Некои истражувања велат дека анти-воспалителните ефекти на DHA и EHA масните киселини придонесуваат за ова, иако механизмот со кој тоа го прават не е целосно познат.
2) Студена вода
Адекватната хидратација прави огромна разлика за метаболизмот – истражување од универзитетот во Јута сугерира дека индивидуалците кои консумирале 8-12 чашки вода (од 230мл.) секој ден согорувале повеќе калории отколку оние кои пиеле само 4 чашки.
Друга студија, пак, тврди дека дополнителни 7 калории биле согорувани со секоја чашка студена вода, а причината за тоа е дополнителната енергија која телото ја користи за да ја загрее. Тоа значи дека со испиени 8 или повеќе чашки студена вода, дневно се согоруваат најмалку 56 дополнителни калории.
3) Кафе
Телото согорува 3 до 4% повеќе калории 2 и пол до 3 часа по консумирање на 100мг. кофеин, што е еквивалент на 1 шолја кафе. Ова е привремено, но се препорачува да не се внесуваат повеќе од 400мг. кофеин за да се избегнат несаканите ефекти. Исто така, избегнувајте додавање на дополнителни калории во кафето како (бел) шеќер, разни кремови, млеко и сл.
4) Зачинета храна
Капсицин е состојка во чили пиперчињата која ги прави лути, а многу студии сугерираат дека таа го подобрува метаболизмот, зголемувајќи го бројот на калории согорени по јадењето за околу 10. Доколку сте љубител на лутото и не ви прави проблеми со желудникот и варењето, дефинитивно ќе помогне во зголемување на ефикасноста на метаболизмот.