Омега-3 масните киселини се исклучително важни за здравјето на мозокот и срцето, но доколку не јадете животински производи или пак не го поднесувате вкусот на рибата, еве неколку алтернативи со чија помош ќе го зголемите нивниот внес:
1) Ленено семе
Во 2 големи лажици ленено семе има скоро 1600mg ALA (алфа-линолеична киселина), но за да телото има пристап до омега-3 киселините и останатите хранливи состојки како влакна и лигнани, семето мора да се измеле. Совет од нутриционистите е семето да го купувате цело и самите да го измелете пред да го користите – бидејќи откога ќе се измеле, масните киселини можат лесно и брзо да се расипат.
2) Чиа семe
И ова семе е богато со протеин, влакна, и ALA омега-3 мастните киселини. 28 грама содржат скоро 5000mg од нив, што е повеќе од препорачаната дневна доза која изнесува 1100mg за жени и 1600mg за мажи.
3) Прокељ
Покрај масните киселини, прокељот е богат и со витамин К, витамин Ц и влакна, а половина шолја (44gr.) незготвен прокељ содржи околу 44mg ALA. Зготвениот, пак, има 3 пати повеќе – 135mg
4) Ореви
Скоро 65% од тежината на оревите ја сочинуваат маснотиите – 28gr. имаат 2542mg омега-3 масни киселини