Дали знаете дека обичните тортиља лепчиња може да имаат побогат и поегзотичен вкус доколку ги подготвите сами?
Замесувате тесто, кое не го чекате да стаса, премачкувате со путер и додавате од вашите омилени зачини, пржите на само 2-3 минути од секоја страна и на крајот дури се зачудувате на вашите кулинарски способности.
Потребни состојки:
400 гр. брашно
170 мл. студена вода
1 лажичка сол
150 гр. растопен путер
Зачини по желба
Начин на подготовка:
Замесете тесто од првите три состојки. Поделете го на 8 еднакви делови и оставете 2-3 минути да одморат. За тоа време растопете го путерот и ставете една тава на оган да се грее, без масло.
Секој дел расукајте го во мал круг и премачкајте го обилно со путерот, ставете зачини и пресечете еден радиус (само до пола од кругот). Виткајте во облик на фишек и кога ќе добиете фишек сплескајте го со рацете надолу.
На овој начин се соединуваат сите вкусови и се создаваат слоеви. Расукајте повторно и пржете ги на загреана тава од двете страни по 2-3 минути.
Добар апетит и забавно готвење!
За повеќе рецепти посетете ја официјалната ФБ страна на Давор, Dave’s Kitchen.