Компирите немаат премногу добра репутација во светот на здравите диети, но тоа повеќе се должи на начинот на кој се процесирани и зготвени – на пример, не се воопшто здрави доколку се пржени или им е додадено премногу сол, масло, путер и сл.
Кога се подготвени на здрав начин и во правилно дозирана порција, тие нудат многу здравствени придобивки.
1) Може да го намалат крвниот притисок
Во некои студии, големата количина калиум која ја содржат во кожата е поврзана со намалувањето на диастоличиот и систоличниот притисок кај индивидуите со преголема тежина. Ова особено важи за виолетовите компири бидејќи тие се богати и со антоцијанини и каротеноиди.
2) Помагаат да се чувствувате заситени
Компирите значително го зголемуваат чувството на заситеност кога се дел од балансирана исхрана, а големата количина влакна во нив помага во процесирањето на останатата храна.
Растворливите влакна (особено оние од слатките компири) ја забавуваат дигестијата и помагаат во одржување на телесната тежина.
3) Корисни се за мозокот
Овој скробен зеленчук е еден од најдобрите извори на витаминот Б6, кој игра важна улога во развивањето на мозокот кај децата, а го забавува когнитивниот пад кај постарите.
4) Одлични се за спортистите
Компирите можат да го повратат балансот на електролитите во организмот поради нивниот состав кој вклучува натриум и калиум – два важни електролити кои спортистите ги губат при потењето. Калиумот исто така помага во одржување на нивото на течности во организмот и ослободување на мускулите од болка.
Витаминот А, пак, кој го содржат, е еден од најдобрите јаглехидрати за активните лица кој овозможува енергија.