Добро балансирана исхрана е клучна за здравјето, помага во заштитата против разни видови канцери, мозочен удар и кардиоваскуларни заболувања.
Сега, нова студија од истражувачите од универзитетот Чалмерс и данскиот истражувачки центар за канцер покажала дека целите зрна се исклучително корисни за превенција за тип 2 дијабетесот.
Во студијата било откриено дека консумирањето на цели зрна може да го намали ризикот од оваа болест до 34% кај мажите и до 22% кај жените, а во неа биле вклучени 55 000 партиципанти во траење од 15 години.
За ваквите придобивки потребни се најмалку 50 грама цели зрна дневна – како на пример порција овесна каша, или една кришка ‘ржан леб. Кога станува збор за тип 2 дијабетес, ‘ржта, овесот и пченицата ги нудат истите заштитни придобивки.
Според Рикард Ландберг, професор од одделот за храна и нутриционистичка наука и еден од истражувачите од студијата, белото брашно има негативни ефекти на здравјето, но она од целите зрна има неколку позитивни ефекти, покрај заштитата од тип 2 дијабетес.
Што е најважно, тој изјавил дека не треба да сметаме дека сите јаглехидрати се лоши, што премногу често се споменува во диететската индустрија. Наместо тоа, мора да запомниме дека тие се дел од многу разнолика група на храна која вклучува шеќери, влакна и скроб, и не треба сите да се ставаат во ист кош.