Витаминот К не добива толку многу внимание како останатите витамини, но игра важна улога за нашето здравје – есенцијален е за спречување на згрутчувањето на крвта.
Медицинската литература го има поврзано позитивниот ефект на овој витамин врз густината на минералите во коските и намалување на ризикот од фрактури, а заедно со витаминот Д играат улога во подобрување на апсорпцијата на калциумот во телото, т.е оптимизирање на здравјето на коските.
Оние со сериозни гастроинтестинални пореметувања како цистична фиброза, целијачна или Хронова болест не се во состојба правилно да го апсорбираат витаминот К и се најподложни од неговиот недостаток.
Препорачаната негова дневна доза е 120 микрограми за мажите и 90 за жените, а еве кои се 3-те големи извори за него:
1) Лиснатиот зеленчук
Кељот, спанаќот и др. лиснат зеленчук овозможува помеѓу 100 и 400% од препорачаната дневна доза на витаминот К.
2) Брокула
Брокулата го зајакнува имунолошкиот систем и ги отстранува слободните радикали и токсини од телото, а помага и за одржување на здрава кожа и срце. Половина шолја брокула има 110 микрограми од овој витамин, а истата помага при борбата со инфекциите, го регулира инсулинот, помага при слабеењето и е поврзана со намалување на ризикот од канцер.
3) Говедски црн дроб
85 грама говедски црн дроб содржат до 110 микрограми од витаминот К, како и дневните потреби од Б12 и останатите Б витамини. Ова месо е богато и со протеини и има малку калории.