Слаткиот компир може да се јаде преку целата година, а особено во постудените денови како надополнување на разни супи, манџи, пити и останати десерти.
1) Одличен извор на витамините Ц и А
Една шолја печени слатки компири ја има скоро половината од препорачаната дневната доза на Ц витамин, како и од препорачаната доза на витамин А. И двата витамини се витални за поддршка на функцијата на имунолошкиот систем, што е особено важно во сезоната на настинки и вируси. Витаминот А е исто така клучен и за одржување на здравјето на кожата, видот и функцијата на органите.
Слаткиот компир е богат и со манган, минерал кој помага во производството на колаген и го промовира здравјето на кожата и коските, како и со витамините Б и калиум
2) Пребогати се со антиоксиданси
Витамините А и Ц функционираат и како антиоксиданси кои ги штитат клетките од стареење и болести, а виолетовите слатки компири се најбогати со антиоксиданси – како што е пигментот кој им ја дава бојата.
3) Имаат антивоспалителни карактеристики
Природните антивоспалителни состојки во слатките компири ги спречуваат воспаленијата на клеточно ниво – истражувања врз животни покажале редуцирана инфламација во мозочното и нервно ткиво по консумирање на екстракт од виолетови слатки компири.
4) Не предизвикуваат нагло зголемување на нивото на шеќер
Поради тоа што се богати со влакна, тие бавно се варат, што значи не ги креваат нагло нивоата на шеќер и инсулин.
5) Помагаат за регулирање на крвниот притисок
Една шолја печени слатки компири има 950mg калиум, кој го отстранува вишокот натриум и течности од телото, што го намалува крвниот притисок и го редуцира оптоварувањето на срцето. Калиумот исто така помага за регулирање на срцевиот ритам и мускулните контракции.
6) Помага при слабеењето
Околу 12% од скробот во слатките компири е т.н отпорен скроб, влакнеста супстанца која телото не ја апсорбира и вари, а која нè држи сити. Една студија покажала дека заменувањето на само 5.4% од вкупниот внес на јаглехдрати со отпорен скроб резултирало со 20 до 30% зголемување на топењето масти по оброк.