Овој период настинките се зачестени, а со одмор и правилна исхрана можете да го забрзате процесот на оздравување. Еве што се препорачува да јадете и пиете секогаш кога сте настинати:
1) Пилешка супа
Во 2000-та, во студија од универзитетот во Небраска било докажано дека пилешката супа содржи анти-инфламаторни агенти кои ги олеснуваат симптомите на настинката. Покрај течности, таа содржи и натриум, калиум, влакна, јаглехидрати и сè што му помага на имунолошкиот систем побрзо да се избори со настинката.
2) Млеко и храна богата со витамин Д
Во некои постари студии било заклучено дека оние со ниско ниво на витамин Д биле поподложни на настинки, а храната со овој витамин помага и за подобрување на расположението.
3) Моркови и храна богата со витамин А
Сите витамини се клучни за здравјето на телото, но за витаминот А се смета дека е еден од најважните за одржување на силен имунолошки систем. Кога сте настинати, обидете се да јадете слатки компири, моркови, тиква, спанаќ и сл.
4) Студен зелен чај
Зелениот чај е полн со антиоксиданси, а нивниот број се зголемува кога тој е направен со млака, а не зовриена вода.
5) Лук
Кога редовно се консумира, лукот функционира како превенција од настинки, а тоа се должи на состојката алицин која го зголемува имунитетот.
6) Боровинки
Боровинките содржат повеќе антиоксиданси од било кое друго свежо овошје.
7) Риба
Се препорачува јадење на масна риба (како лосос или туна) кога сте настинати, за да се искористат предностите на омега-3 масните киселини кои помагаат за редуцирање на инфламацијата во телото, која ја спречува правилната функција на имунолошкиот систем.