Триесет грама семки од тиква има околу 150 калории, 15гр. здрави масти, неколку грама јаглехидрати и импресивни 8 до 10гр. протеин.
Еве какви сè други здравствени придобивки нудат:
1) Богати се со магнезиум и други минерали
Покрај магнезиумот, тие изобилуваат со манган, железо, цинк и бакар. Магнезиумот помага за подобрување на расположението и спиењето, додека манганот игра улога во продукцијата на колаген и промовира подобро здравје на кожата и коските.
Железото и бакарот се вклучени во продукцијата на енергија, а железото помага и за транспортирање на кислородот до нашите клетки. Цинкот го подобрува имунитетот, здравјето на кожата и видот, а само една порција семки од тиква содржи 14% до 42% од минималната потребна дневна доза на овие хранливи материи.
2) Богати се со антиоксиданси
Покрај минералите, семките се богати со антиоксиданси кои ги штитат клетките, вклучувајќи каротеноиди и витамин Е.
3) Богати се со здрави масти
Семките од тиква се едни од најдобрите извори на растителни омега-3 масни киселини, како алфа-линолеичната киселина односно ALA. Иако само мала фракција од ALA се конвертира во важните DHA и EPA омега-3 киселини кои ги има во масните риби, оваа киселина го редуцира ризикот од стврднување на артериите и го штити срцето од разни заболувања.
4) Го контролираат нивото на шеќер во крвта
Овие семки ги редуцираат компликациите кои можат да настанат од тип 2 дијабетесот со тоа што ја подобруваат регулацијата на инсулин и ги штитат органите од последиците од болеста
5) Го подобруваат имунолошкиот систем
Покрај цинкот и железото кои се витални за добра функција на имунолошкиот систем, семките од тиква имаат анти-габични и анти-вирусни карактеристики.
6) Можат да го подобрат квалитетот на спермата
Истражувања покажале дека семките од тиква како и маслото направено од нив помага да се заштити здравјето на простатата, а цинкот влијае врз машката плодност бидејќи ниското ниво на цинк е поврзано со редуциран квалитет на спермата.