Готвењето ги зголемува хранливите состојки кај некои зеленчуци, додека пак кај други го прави сосема спротивното. Еве кои зеленчуци се поздрави кога се зготвени, а кои сирови:
1) Аспарагус (шпаргла) – зготвен
Готвењето на аспарагусот ги зголемува неговите анти-канцерогени карактеристики.
2) Цвекло – сирово
Цвеклото губи повеќе од 25% од фолатите (т.е витаминот Б9 кој е дел од Б комплексот кој игра огромна улога во развивање и диференцирање на целиот организам) кога се готви.
3) Кромид – сиров
Кога се готви, се губи алицинот (важен фитонутриент) од кромидот. Алицинот, инаку, има антибактериски, антигабични, антивирусни и антипротозоични карактеристики.
4) Црвени пиперки (бабури) – сирови
Кога термички се обработуваат (печат/пржат) на температури од над 190°C, се уништува Ц витаминот во нив.
5) Спанаќ – готвен
Нашето тело многу подобро го апсорбира железото, калциумот и магнезиумот од спанаќот кога тој е зготвен.
6) Домати – готвени
Кога доматите се зготвени, нашето тело апсорбира многу повеќе ликопен, кој е е поврзан со намалување на ризикот од болести поврзани со простатата, намалување на крвниот притисок, регулирање на нивото на холестерол во крвта и заштита од рак. Ликопенот има важна улога и во зајакнувањето на имунолошкиот систем.