Една стандардна доза од несолен путер од кикирики (околу 2 големи лажици) содржи 191 калории и 16гр. масти, 7гр. протеин, 7гр. јаглехидрати, 5гр. натриум, 4гр. шеќер и 2гр. влакна.
Незаситените масти кои ги содржи се дел од здравата исхрана, бидејќи го редуцираат холестеролот и ризикот од срцеви заболувања.
Путерот од кикирики е богат и со витамин Е, магнезиум, калиум и витамин Б6.
Она што треба да се внимава со овој вкусен намаз е количината – споменатата доза од 2 лажици има скоро 200 калории, а со неа би можел да се направи вкусен сендвич. Но, доколку се јаде директно од тегла, лесно може да се „заборавиме“ па во себе да внесеме преголем број на калории во само еден оброк.
Путерот од кикирики прилично заситува и во мали количини, па така е одличен во ситуации кога треба нешто да каснете што треба да ве држи сити подолго време, а немате премногу време за подготвување на храна.
Нутриционистичките експерти препорачуваат да се користат брендови кои користат што помалку додатоци како шеќер или хидрогенизирани растителни масла, бидејќи тоа се нездрави масти.
Секако, путерот од кикирики можете и самите да си го направите, а на интернет се наоѓаат стотици рецепти за тоа.