Нема ништо поубаво од чувството по добар тренинг, но откако ендорфините ќе „се смират“ настапува болката во мускулите која за среќа трае кратко време , а истата може да ја олесниме со разни видови на храна како:
1) Овесна каша
Овесната каша е одличен избор на храна за пред, но и за после вежбањето, а според истражување од универзитетот Харвард, јадење на 33 грама цели зрна дневно (што е еквивалентно на една порција овесна каша) може да го намали ризикот од предвремена смрт за 9% во споредба со оние кои воопшто не јадат цели зрна.
2) Цреши
Црешите се добар извор на фенолични состојки кои се богати со антиоксиданси и имаат анти-инфламаторни способности кои се поврзани за заштитниот ефект по вежбањето.
3) Слатки компири
Овие компири содржат големо ниво на витамин Б кој помага во ослободување на енергијата од храната, како и витамин А, натриум, витамин Ц и 4 грама влакна.
4) Спанаќ
Спанаќот и останатите лиснати зеленчуци е богат со хранливи состојки кои ги вклучуваат витамините Б, Ц и А (кои спречуваат воспалувања), а има и 5 грама протеин во една шолја.
5) Лосос
Омега-3 масните киселини кои ги има во лососот и останатите рибите го намалуваат интензитетот на DOMS -задоцнет почеток на мускулна болка.
6) Лубеница
Лубеницата покрај вода е богата и со важни амино-киселини (како l-citruline) и доколку се јаде по вежбање по 24 часа ја редуцира болката во мускулите (според една студија).