Во САД, 40 милиони личности над 18 години имаат анксиозни нарушувања, а еден од начините за третирање на симптомите може да биде прилагодување на исхраната, бидејќи одредени витамини и минерали научно докажано го намалуваат нивото на анксиозност во одредени случаи.
1) Храна богата со магнезиум
Во студија од 2012-та била идентификувана поврзаност помеѓу исхрана која не содржи многу магнезиум и повисоки нивоа на анксиозност кај глувците. Храна богата со магнезиум се лиснатите зелени зеленчуци, мешунки (соја, кикирики и сл.) како и онаа која содржи цели зрна.
2) Храна богата со цинк
Во студија од 2013-та било докажано дека цинкот го редуцира анксиозното однесување. Истиот го има во остригите, говедско месо и тропско оревче.
3) Храна богата со калциум
Калциумот е познат по тоа што го редуцира нивото на кортизол, стрес хормонот кој е поврзан со анксиозноста. Добар извор на овој минерал се млечните производи како млекото, сирењата и кашкавалите, како и лиснатите зеленчуци како кељот.
4) Храна богата со омега-3 масни киселини
Омега-3 масните киселини кои ги има во рибите како лосос или туна, може да ги редуцираат хемикалиите во мозокот кои предизвикуваат анксиозност. Тие се борат против клеточната инфламација во мозокот предизвикана од зголемување на арахидонската киселина (омега-6 масна киселина).
5) Храна богата со пробиотици и пребиотици
Храната која содржи пробиотици (како киселата зелка, туршија, кефир и др.) и пребиотици (како целите зрна) е поврзана со редуцирање на нивото на кортизол
6) Храна богата со витаминот Б12
Б витамините влијаат на начинот на кој нашиот мозок создава хемикалии, вклучувајќи ги и оние кои ни го регулираат расположението. Б12 е исклучително витален бидејќи е вклучен во одржувањето на здравјето на нервите и црвените крвни клетки и креирање на ДНК. Како резултат на тоа, недостатокот од Б12 може да активира симптоми на анксиозност или депресија.
Најдобри извори на овој витамин се говедското месо и црн дроб, а го има и млечните производи, живината, рибите и др.