Лукот докажано го подобрува имунитетот, ги релаксира крвните садови со што се намалува притисокот и се подобрува крвотокот, го намалува воспалението на ткивата (познат причинител на предвремено стареење и разни болести), ги штити крвните садови од оштетување со тоа намалувајќи го ризикот од срцеви заболувања.
Нова корејска студија покажува дека лукот може дури да помогне и за контрола на телесната тежина. Истражувачите хранеле глувци со исхрана за дебелеење во период од 8 недели, а потоа има ја сервирале истата, но суплементирана со 2% до 5% лук уште дополнителни 7 недели. Додавањето на лукот ја намалило тежината на глувците и на масните наслаги и ги намалило ефектите на нездравата диета врз нивната крв и црниот дроб.
За максимално да се искористат здравствените придобивки од лукот, се препорачува тој да седи на собна температура околу 10 минути пред да се готви, бидејќи неколку студии покажале дека на овој начин се сочувуваат околу 70% од неговите корисни природни состојки во споредба со тоа кога би бил зготвен веднаш по гмечењето. Причината за тоа е што гмечењето на лукот ослободува ензим кој е заробен во клетките на растението кој инаку го зголемува нивото на хранливите состојки во него, а чие најголемо ниво е токму 10 минути по гмечењето или сечењето. Доколку лукот се зготви пред тоа, ензимите се уништуваат.