Сакате да го доловите вкусот на Француските палачинки? Овие палачинки имаат крцкава кора и прекрасен мирис на путер. Може да ги филувате со фил по желба. Изборот на Давор овој пат е чоколаден крем, малина и лесно изматен шлаг. Превкусно за добра седенка со пријателите.
Потребни состојки:
- 3 јајца
- 250 гр. брашно
- 250 мл. млеко
- 250 мл. кисела вода
- 1 лажица шеќер
- Прстофат сол
- 2 пакетчиња ванилин шеќер
- 70 гр. растопен путер
Начин на подготовка:
Во сад со миксер изматете ги јајцата, млекото и киселата вода. Додадете го брашното, солта, шеќерот и ванилата. Додадете го и растопениот путер и промешајте. Пржете ги палачинките од двете страни по 2 минути во загреана тава на средна температура. Премачкајте ги со чоколаден крем и декорирајте со малини.
Добар апетит и забавно готвење!
За повеќе рецепти посетете ја официјалната ФБ страна на Давор, Dave’s Kitchen.