Лутата храна дефинитивно не е за секого. Кај некои луѓе предизвикува т.н рефлукс на киселина од желудникот, како и иритација на дигестивниот тракт доколку имаат некое заболување на желудникот или цревата (гастритис, чиреви и сл.). Меѓутоа, истата има и значителни здравствени придобивки:
1) Го забрзува метаболизмот
Лутата храна како чили пиперчињата содржи активна состојка наречена капсаицин, која го забрзува метаболизмот а има и аналгетско својство (помага против слаба главоболка и сл.). Оваа состојка ја има и во помалку лутите зачини како куркумата и кимот.
2) Ја намалува желбата за слатко
Лутата храна делува слично како пастата за заби, во поглед на тоа што по миењето на забите ретко кога може да ви се пријаде слатка храна.
3) Ја намалува инфламацијата
Инфламацијата односно воспаленијата се причини за бројни (сериозни) заболувања, а капсаицинот има моќни анти-инфламаторни карактеристики. Меѓу другото ги редуцира ефектите на LDL (лошиот) холестерол.
4) Го подобрува имунолошкиот систем
Зачините и лутата храна содржат антиоксиданси и имаат антимикробни својства кои нè штитат од бактериите.
5) Може да го подобри либидото
Лутата храна го зголемува тестостеронот, хормонот поврзан со либидото.
6) Помага за редовно празнење на цревата
Зголемениот внес на вода кога се јаде лута храна помага за што порегуларно празнење на цревата.
7) Може да ги намали симптомите на депресија
Оваа храна ослободува серотонин во мозокот, кој помага во подобрување на расположението, а со тоа и во намалување на симптомите на депресијата.