Вака подготвените “пржени” компирчиња се многу вкусни, а многу поздрави од тие што ќе ги испржите во масло.
Потребни состојки:
- Компири
- Неколку белки од јајца
- Зачини по желба
Подготовка:
Компирите излупете ги, измијте ги убаво и исечете ги на тенки ленти (како за помфрит). Исушете ги убаво со салфетка.
Белките (колку белки ќе ви требаат зависи од количината на компири кои сакате да ги печете) изматете ги убаво со виљушка и внатре додадете ги зачините, по вкус.
Исечените компири потопете ги во изматените белки и распоредете ги во тава обложена со хартија за печење или пак само намастена со масло.
Ставете ги да се печат во загреана рерна на 220 целзиусови степени додека не заруменат. Белките во текот на печењето ќе ги направат компирчињата крцкави и нема да бидат воопшто масни.