Денес следува рецепт за сочни и вкусни свински филети во сос.
Потребни состојки:
- 1кгр. свински филети
- Сол и мелен црн пипер
За сосот:
- 250 гр. свежи шампињони
- 1 мала главица кромид, ситно исечкана
- 250 мл. неутрална павлака
- 2 лажици кисела павлака
- 1 лажичка сенф
- 1 лажичка кари
- 1 лажичка шарена сол
- Сол и мелен црн пипер
Начин на подготовка:
Најпрво ставете сол и бибер врз свинските филети. Пржете ги по 3-4 минути од секоја страна и оставете ги во чинија на страна.
Во истата тава испржете го кромидот и печурките исечкани на мали парчиња. Додајте ги неутралната и киселата павлака, сенфот, карито, шарената сол и сол и мелен црн пипер по вкус.
Промешајте и оставете да се готви околу 5-10 минути. Наредете ги парчињата месо и ставете ја тавата во рерна јадењето да се пече на 180 степени околу 15 минути.
Декорирајте и сервирајте со свеж магдонос, а како прилог користете пире.
Добар апетит и забавно готвење! За повеќе рецепти посетете ја официјалната ФБ страна на Давор, Dave’s Kitchen.