Клучните компоненти во спортските пијалаци се вода, јаглехидрати и електролити. Без разлика што ви кажуваат рекламите, најверојатно немате потреба од пиење на овие пијалаци за време на секој тренинг, бидејќи нивните состојки ги има и на други места – без дополнителни калории и шеќер.
1) Чоколадно млеко по вежбањето
Чоколадното млеко е одлична алтернатива на спортските пијалаци поради 3 на 1 соодносот помеѓу јаглехидрати и протеин. Тоа содржи и клучни електролити како калциум, калиум, натриум и магнезиум, а пиење на безмасно млеко по вежбањето ги надокнадува изгубените електролити и го рехидрира телото подобро отколку спортските пијалаци или водата.
2) Сокот од портокал изобилува со електролити и антиоксиданси
Нутриционистите препорачуваат пиење на сок од портокал зајакнат со калциум и витамин Д. Сокот од портокал не само што има електролити како спортските пијалаци, туку и антиоксиданси како хесперидинот кој помага за одржување на здрав крвен притисок.
3) Кокосовата вода ги има клучните состојки од спортските пијалаци
Сите три клучни компоненти на спортските пијалаци ги има во кокосовата вода, која хидрира подеднакво како нив, а предизвикува помалку стомачни тегоби.
Доколку се вежба на високи температури подолг временски период, се препорачува додавање малку сол во кокосовата вода за да се надополни онаа изгубена преку потењето.
4) Можете сами да направите спортски пијалак без вештачки состојки
Самите можете да направите спортски пијалак со мешање на кокосова вода, мед, морска сол, цеден лимон или 100% сок од портокал.