Тајната за добро испечена пица е во еден трик кој Давор денес ќе ни го открие во својот рецепт. Направете две одлични пици – вегетаријанска и со чајна. Доколку имате други состојќи во фрижидерот, тогаш користете ја својата креативност и создадете своја верзија.
Потребни состојки:
360 гр брашно
200 мл. млака вода
1 пакетче сув квасец (или половина коцка свеж квасец)
1 лажичка сол
1 лажичка шеќер
2-3 лажици маслиново масло
За филот:
Доматен сос
Тиквичка исечкана на тенки кругови
Свежи или маринирани шампињони
Суво оригано
Изрендан каршкавал
Исечкана чили пиперка
Парчиња кулен или чајна
Маслиново масло
Начин на подготовка:
Во длабок сад замесете тесто од сите состојки. Оставете го тестото да стаса на собна температура околу 1 час. Поделете го тестото на 4-5 делови, во зависност колкави сакате да бидат вашите пици. Растегнете го секој дел со помош на дланките (не го расукувајте тестото). Ставете доматен сос, тиквичка, кулен, шампињони, кашкавал и суво оригано.
Полејте малку маслиново масло и печете во добро загреана рерна на 190 степени. Штом го ставите тавчето во рерна испрскајте ја пицата со вода и веднаш затворете ја рерната.
Печете 12-15 минути додека кората не добие убава златно-кафена боја.
Добар апетит и забавно готвење! За повеќе рецепти посетете ја официјалната ФБ страна на Давор, Dave’s Kitchen.