Повеќето од вас веројатно имаат слушнато за правилото на консумирање на чаша топла вода наутро на празен желудник, кое одлично го активира и поттикнува дигестивниот систем и го олеснува слабеењето.
Според ајурведата, редовната употреба на млака превриена вода го зајакнува нашиот имунитет, ни дава сила и енергија. Покрај тоа, позната е и методата за чистење и балансирање на организмот токму со пиење на топла вода. Топлата вода го поттикнува варењето, ја чисти кожата и помага да се исфрлат задржаните течности од организмот, заради што е одлична за отстранување на целулитот и за слабеење.
Ви откриваме три рецепти кои се базираат на топла вода, кои треба да ги темпирате соодветно, како што е наведено.
Напиток бр. 1: Утрински забрзувач на метаболизмот
- Чаша топла вода
- 2 лажици свежо исцеден сок од лимон
- 1 лажица мед
Овој напиток го забрзува метаболизмот и помага при слабеење, а треба да го испиете наутро, штом се разбудите.
Напиток бр. 2: Намалувач на гладот
- Чаша топла вода
- 1 лажица цимет
- 1 лажица мед
Напитокот со цимет и мед го стабилизира нивото на шеќер во крвта, ви дава чувство на ситост и го намалува чувството на глад. Половина од чашата треба да испиете наутро на празен желудник, а останатата половина навечер, после вечерата.
Напиток бр. 3: Го храни организмот и ја намалува потребата за благо
- Чаша топла вода
- 1 лажица свежо цеден сок од лимон
- 1 лажица цимет
- 1 лажица мед
Напитокот, кој е богат со нутриенти, ќе ви ја намали потребата за благо и ќе ви го забрза дигестивниот систем. Истиот можете да го консумирате во било кој дел од денот.
Совет: Водата нека биде топла до тој степен да не ви попречува нормално да ја пиете. Доколку не сакате некои од овие состојки, можете да пиете и само топла превриена вода, која не може да ви наштети, туку само ќе ви го забрза метаболизмот.