Летото го сакаме поради сонцето, морето, одморот, но исто така и поради тоа што изобилува со овошје и зеленчук кои зреат токму во ова време од годината. Кога веќе го купуваме свежо (или пак го береме од сопствената градина) овошјето или зеленчукот треба што поскоро да го изедеме. Понекогаш едноставно не можеме да стигнеме да го направиме тоа. Експертите не советуваат како да ја зачуваме свежината на овошјето. Правилното чување на овошјето и зеленчукот е важно. Идеалните услови зависат од видот на овошјето и зеленчукот, но она што им е заедничко е идеалната температура.
Ако сте купиле праски или кајсии кои се целосно зрели и меки тогаш изедете ги веднаш. Ако сепак се малку потврди тогаш чувајте ги во книжена кеса на собна температура. Не ја преполнувајте кесата бидејќи така ќе го оштетите овошјето. Заборавите на фрижидерот, ниските температури го прават овошјето влажно.
Доколку сте купиле домати тогаш наредете ги на послужавник во еден ред, со врвот кон горе, држете ги на собна температура и не заборавајте да ги чувате далеку од директната сончева светлина. На овој начин ќе го сочувате убаво плодот и ќе го спасите од омекнување и оштетување.
Бобинките, јагодите и црешите истурете ги во тавче и чувајте ги во фрижидер. Свежите бобинки и јагоди треба побрзо да ги изедете бидејќи за разлика од другото овошје, тие многу побрзо омекнуваат и се расипуваат.
Босилекот и нането треба да ги чувате во пластична или хартиена кеса која ќе ја ставите во фрижидер.