И покрај тоа што зелениот чај важи за најздравиот чај на светот, најновата обемна студија на британските научници откри голема тајна. Земјите кои најмногу пијат црн чај имаат најмал број на дебели луѓе и луѓе заболени од дијабтес. Црниот чај содржи специфични супстанции кои го намалуваат холестеролот и способноста на дигестивниот систем да презема масти.
- Редовното консумирање на црн чај, без никакви додатоци, помага при слабеењето. Тој треба да биде дел од секојдневната исхрана и мора луѓето да престанат да го пијат со млеко или со шеќер. Адитивите ги неутрализираат позитивните својства на чајот, вели Џејмс Мекмилан, професор од Универзитетот во Ливерпул.
Црниот чај може да им помогне на жените да се ослободат од вишокот килограми. Но, тоа се однесува само за оние дами кои сакаат да го пијат пијалокот без никакви додатоци.
Според студијата во Ирска се пие најмногу црн чај, два килограми годишно по жител, а Англија и Турција се веднаш по нив на листата.
Сите три земји имаат помал број на дијабетичари од земјите кои се подоле на листата, како Брзаил, Мароко и Мексико.
Сепак, не смееме да го заборавиме зелениот чај, кој секако е еден од најдобрите и најздравите пијалаци на планетата.