Со доаѓањето на пролетта и убавото време, луѓето забораваат на месото и големите трпези и се ориентираат кон зеленчукот и вкусните салати. Покрај веќе познатата шопска салата, која на многумина од нас им е омилена, ви нудиме интересен рецепт кој секако одлично би дошол во друштво и со по некоја чашка ракија.
Потребни состојки: 1 краставица, 3 главици кромид, ½ кг. домати, ½ китка магдонос, ½ китка нане, ½ чаша јогурт, ½ чаша кисело млеко, сол, црн пипер.
Подготовка: Краставицата ја лупиме и сечме на коцки. Исчистениот кромид ситно го сечкаме и го мешаме со краставицата. Посолуваме, наросуваме бибер и оставаме да отстои половина час. Потоа додаваме исчистени и исечени на парчиња домати и промешуваме. Ги мешаме јогуртот и киселото млеко со сечкан магдонос и нането и преливаме над салатата. Се служи со компири.