Ова е рецепт за идеалниот десерт на сите љубители на Сникерс чоколадото, за кои сме уверени ги има во огромен број! Затворете ги очите и замислете дека пред вас се наоѓа цела Сникерс торта... Ви потекоа лиги уште веднаш, нели?
Оваа торта можете да ја направите сами! Еве како:
Потребни состојки:
- 6 јајца
- 3 големи Сникерс чоколади
- 130 гр. брашно
- 70 гр. путер
- 100 гр. печени, несолени кикирики
- 80 гр. + една лажица шеќер во прав
- 750 гр. несолен крем сирење
- една лажица како во прав
- половина кесичка ванилин шеќер
- 300 мл. карамел
- 100 гр. чоколадо
- една лажица густин
Подготовка:
Во сад помешајте го брашното, путерот, шеќерот во прав и какаото, па измесете го тестото и оставете го да се олади во фрижидер 60 минути.
Ставете го тестото на кружно тавче обложено со хартија за печење, лесно притиснете со прстите за убаво да го распоредите и печете околу 15 минути во рерна на 180 степени.
Со миксер кремасто изматете ги 6-те жолчки со 80 грама шеќер во прав, а после 5 минути додадете го ванилиниот шеќер и густинот. Потоа посебно изматете ги белките и цврстиот снег што ќе го добиете помешајте го со крем сирењето и ситно исечканите Сникерс чоколади, а потоа соединете ги со жолчките.
Добиената смеса распоредете ја врз тестото, вратете ја тортата во рерна и печете околу 60 минути на 180 степени, а потоа оставете ја да се излади во фрижидер цела вечер.
Прелијте ја тортата со карамелот, во кој сте ги додале печените кикирики, а кога ќе се подолади прелијте го и растопеното чоколадо.