Сакате да го започнете денот со здрава ужина? Зошто да не пробате да го направите овој лесен, едноставен, а многу вкусен и здрав рецепт.
Потребни ви се само 3 состојки, а процесот на подготвување нема да ви одземе повеќе од 10 минути.
Состојки:
- 1 шолја суво овошје по избор (тука се избрани сувите цреши)
- 1 шолја урми
- 1 шолја бадеми
Во процесор за храна исечкајте ги сите три состојки (бадемите може да ги потпечете на оган, но може да користите и обични непечени) додека не добиете хомогена смеса налик на пластелин.
Смесата ставете ја на хартија за печење или на фолија и формирајте ја во вид на голем квадрат со дебелина од 2 сантиметри.
Ставете ја смесата на ладно (фрижидер или неколку минути во замрзнувач), а кога ќе се стврдне исечете парчиња во облик на коцки и правоаголници.
Од оваа смеса се добиваат 8 поголеми или 16 помали парчиња.