Непријатниот мирис на телото може да биде предизвикан од стрес, разни инфекции, но и од одредена храна која ја консумираме, а која излегува низ потта создавајќи специфичен мирис.
Со оглед на тоа што непријатниот мирис на телото е ноќна мора за секој од нас, добро е да знаеме што влијае на тоа како ќе мирисаме.
Алкохол
Алкохолот воглавно се обработува во црниот дроб, но десет проценти од него од организмот излегуваат преку потење, преку здивот и преку урината. Покрај тоа, алкохолот придонесува дополнително да се потиме.
Лук
Ова е една од ретките намирници за кои знаеме дека силно може да го промени мирисот на потта. Затоа, внимавајте со темпирањето на неговата консумација.
Месо
Една интересна студија спроведена во Прага, покажала како жените ја проценуваат потта на мажите во однос на храната. Резултатите покажале дека потта на мажите кои јадат месо полошо мириса од онаа на вегетаријанците. Имено, на месото потребна му е поголема обработка од дигестивниот систем и истото подолго се задржува во цревата, а испуштањето на разни токсини во крвотокот предизвикува непријатен мирис.
Зелка, брoкула, прокељ
Зеленчукот кој содржи голема концентрација на фосфорни материи придонесува за непријатна миризба на потта. Во оваа група спаѓаат брокулата, прокељот и зелката, кои изобилуваат со сулфорафан и изотиоцијанат, чие дејство врз организмот е неоспорно позитивно, но нивната претерана консумација и’ дава на потта прилично интензивен и непријатен мирис.