Пред нас ни престојат велигденските празници, па поради тоа секој од нас полека започнува да си ја планира празничната трпеза. Ние денеска одлучивме да ви претставиме салата која одлично ќе се вклопи во вашето вкусно мени.
Потребни состојки:
- 500 гр. изварка, урда
- 50 гр. пржен сусам
- 120 гр. маргарин
- 150 гр. ореви
- 3 лажици мајонез
- 500 гр. сирење
- 150 гр. шунка
- малку магдонос и 1 чешне лук
- 1 лажица буковска пипер
Подготовка:
Маграринот изматете го со миксер и додадете ја урдата, мајонезот и сирењето, па матете додека не добиете воедначена смеса. Смесата поделете ја на три парчиња. Во едното парче се додава буковска пипер и 50 гр. сецкани ореви па добро сетоа тоа се промешува. Во другиот дел се додава ситно исецканата шунка и магдоносот, додека во третиот дел се ставаат преостанатите ореви кои ќе ги истолчите со лукчето и додадете го и сусамот. Земете некој долг калап кој ќе го обложите со фолија и ставајте ги смесите една по друга. ставете го калапот некој час во фризидер, да се стегне. Од страна гарнирајте со варени јајца, марула и домати.
Пријатен апетит!