Калциумот е есенцијален минерал кој ни е неопходен за изградбата на коските и забите и за одржување на нивното здравје. Исто така, тој го подобрува функционирањето на мускулите.
Можеби сте нетолерантни на лактоза и не смеете да консумирате млечни производи во голема количина, или пак едноставно не сте љубител на млекото или јогуртот. Доколку е така, голема е веројатноста да не внесувате во организмот доволна количина на калциум. За среќа, постојат намирници кои се одличен извор на овој минерал, а некои од нив го содржат дури и повеќе од млечните производи.
Тофу
Само половина шолја тофу содржи дури 258 милиграми калциум. Истата количина на калциум ќе ја добиете во 1 шолја јогурт.
Лосос
Лососот е уште подобар избор бидејќи содржи мали коскички кои можат да се јадат, а кои се одличен извор на калциум. Покрај калциумот, оваа риба изобилува со омега 3 масни киселини и протеини.
Кељ
Кељот е богат извор на калциум, а исто така е и одличен извор на антиоксиданси и витамини.
Грав
Половина шолја грав содржи 113 милиграми калциум. Гравот е исто така добар извор на други минерали и протеини.