Балансираната и здрава исхрана треба да се темели на консумација на сезонските намирници, кои покрај тоа што ќе ви го нахранат телото со потребните витамини и минерали, ќе ви помогнат да го изгубите и вишокот килограми.
Со доаѓањето на пролетта ни се менува и исхраната. Тешката и масна храна ја менуваме со свежа и со термички помалку обработени намирници. Но, изобилството на овошје и зеленчук може малку да го отежне најдобриот избор за вашата линија. Треба да знаете дека постојат намирници кои го поттикнуваат согорувањето на мастите и можат дополнително да го забрзаат процесот на слабеење, а истовремено и да го направат поздрав. Еве кои се тие:
Јагоди
Јагодите се одличен извор на растителни влакна и на витамин Ц. Влакната ќе ве држат сити долго време, а само 49-те калории, кои се состојат во една шолја јагоди, сигурно нема да ја загрозат вашата линија.
Кајсии
Кајсиите се одличен извор на влакна, калиум, витамин А и Ц. Една кајсија содржи само 17 калории, заради што ова овошје претставува совршена ужина во попладневните часови.
Артичока
Покрај изобилството на влакна, артичоката содржи и многу протеини, што претставуваат уште едно соединение кое долго ќе ве држи сити. Една артичока содржи само 60 калории.
Аспарагус
Аспарагусот е чудесен кога станува збор за слабеењето. Едно стапче аспарагус содржи само 4 калории, а претставува одличен извор на влакна, витамин К, Б, Ц, А и фолна киселина.