Експертите советуваа дека сировото месо не треба да се мие поради опасност од ширење на бактерија која може да доведе до труење.
- Обично многумина од луѓето се учени да го измијат месото, особено она од живинско потекло и со тоа прават грешка. Иако мислат дека прават добро, придонесуваат во ширењето на бактеријата Campylobaster, вели научник од Агенцијата за прехранбени стандарди од Велика Британија и додава дека таа бактерија со помош на водата успева да дојде до кожата, на работната површина, облеката и кујнската опрема.
Труењето најчесто се манифестира преку болки во стомакот, проблем со варењето и повраќање, пишува The Guardian.
Последната студија е загрижувачка бидејќи дури две петтини од луѓето ја прават постапката со миење на месото пред подготовката.
Наместо тоа, важно е пилешкото добро термички да се обработи било да го печете, варите или пржите, како и пред и по третирањето на местото темелно да ги измиете рацете.