Во многу намирници кои секојдневно ги консумираме пронајдена е хемикалија која го зголемува ризикот од заболување од рак. Станува збор за хемикалија која се вика акриламид, а пронајдена е во кафето, чипсот, пржените компирчиња, крекерите, па и во некои видови на детска храна.
Овој опасен спој настанува со термичко загревање при пржењето на наведените намирници. На неа најизложени се децата поради помалата телесна маса.
Опасноста од акриламид сега ја потврди и агенцијата на Европската унија EFSA (European Food Safety Authority) која веќе предложува нови закони со кои ќе се спроведува надзор над прехранбената индустрија, пренесува Daily Mail.
Во Велика Британија, производителите на храна се веќе под голем притисок за да ги заменат методите за обработка на храна со цел тој процес да продолжи со што помала количина на акриламид.
А зошто баш оваа супстанца е опасна?
- Акриламидот кој се консумира орално се апсорбира од гастроинтестиналниот тракт и дистрибуира по сите витални органи и таму се метаболизира. Така настанува глицидамидот кој е причинител на генетски мутации и тумори кои сме ги забележале во истражувањата над животните, објаснува др. Дијана Бедфорд која е на чело на одборот на EFSA кој се занимава со истражување на акриламидот.