Детоксикацијата е особено популарна во летните денови од годината, а со нејзина помош ќе ги отстраните штетните материи и токсини од телото. Добрата детоксикација се темели на внес на овошје и зеленчук.
Но, не сите видови се еднакво ефикасни. Имено, едно ново истражување на американските научници открива дека најдобрата намирница за детоксикација е токму прокељот.
Истражувањето е објавено во списанието Cancer Prevention Research, а со него се опфатени испитаници кои биле на различни програми за детоксикација. После 12 недели, научниците ја анализирале урината на сите учесници. Резултатите покажале дека нивото на токсини било за дури 61% пониско кај оние кои секојдневно консумирале прокељ.
Овие зелени листести топчиња се одличен извор на тиамин, рибофлавин, железо, магнезиум, фосфор и бакар, а изобилуваат и со диетални влакна, витамин А, Ц, К, Б6, фолна киселина, калиум и манган.
Прокељот има одлични антиоксидативни својства, токму како и останатите видови од оваа фамилија, како брокулата, кељот, карфиолот и зелката.