Сладоледот е несомнено најпопуларниот десерт кој со задоволство знаеме да си го дозволиме во овие летни денови. Овој пат ви претставуваме рецепт за сладолед со карамелизирани ореви кои можете да го направите сами и тоа на многу едноставен начин.
Потребни состојки:
- 60 гр ореви
- 60 гр шеќер
- 250 мл млеко
- 250 мл слатка павлака
- 1 ванилин шеќер
- 3 жолчки
- малку ликер од ореви
Подготовка:
На послаб оган карамелизирајте 50 грама шеќер, па кога иститот ќе се растопи, додајте ги оревите, помешајте и тргнете ги од оган. Кога ќе се изладат сомелете ги во мултипрактик миксер.
Изматете ги жолчките пенасто, со остатокот од шеќерот. Загрејте го млекото со слатката павлака и ликерот од ореви, па додадете го ванилиниот шеќер. Кога млекото со павлаката ќе зоврие, полека прелијте го во садот со жолчките, цело време мешајќи. Потоа варете на пареа додека не се згусне, додадете ги мелените карамелизирани ореви и оставете ја смесата да се олади. Кога ќе постигне умерена температура, додадете ја во пластичен сад и ставете ја во замрзнувачот.
Мешајте ја смесата на секои 30 минути додека не се замрзне, а потоа уживајте во неодоливиот вкус на овој леден десерт.