Иако се едни од најпрепознатливите видови храна на планетата, начините на кои пржените компирчиња се приготвуваат во земјите од светот ги трансформираат и ги прават уникатни.
КАНАДА
Навидум неоспоива комбинација, компирчињата сервирани со младо сирење и сос од печено месо, се обожувани од Канаѓаните.
БЕЛГИЈА
Невозможно е да не се спомне Белгија кога се зборува за компирчиња, бидејќи тоа е државата каде што се измислени. Тие премногу ги сакаат, па дури може да се каже дека школки и компирчиња се нивно национално јадење. Се продаваат насекаде, во продавници, на специјални тезги, во хартиени конуси, прелиени со мајонез.
ВЕЛИКА БРИТАНИЈА
Иако Англиската кујна сега е многу различна и вклучува оброци од целиот свет, секогаш ќе се навраќаме на добро познатиот вкус на риба и компирчиња. Крцкави однадвор, но меки одвнатре, компирчињата се сервираат со големо парче бакалар, завиткани во хартија.
АВСТРАЛИЈА И НОВ ЗЕЛАНД
Еден од омилените начини на кои тука се приготвуваат пржените компирчиња е со Солено Пилешко- едноставен зачин ( сол) со арома на пилешко.
РОМАНИЈА
Мујдеи не е специјално направен за да се јаде со пржени компирчиња, но Романците обожуваат да ги макаат во него. Мујдеи е зачинета смеса од дробен лук, масло, сол и оцет.
ЈАПОНИЈА
Иако Јапонците можеби ја имаат вклучено и храната од Западот, сепак имаат и локален начин на приготвување на брзата храна. Ако купите помфрит во Јапонија ќе имате голем избор на иситнети зачини од кои може да изберете за да ги посипете компирчињата. Изборот е од босилек, скара, италијански зачини, па се до пилешка супа и алги.
БУГАРИЈА
Во Бугарија еден од најпопуларните начини на кои се јадат пржените компирчиња е со солено сирење, или некое слично на фета, попрскано со зачини.
ХОЛАНДИЈА
Пасијата кон компирчињата на Холанѓаните е исто толку голема колку и онаа на нивните соседи, Белгијците, па и тие ги приготвуваат на многу начини. Причината поради која тие се на оваа листа е joppiesaus. Тоа е вид на сос во кој има мајонез, лук и кари.
САД
Во САД постојат можеби најмногу начини на кои се јаде помфритот. Па така, ќе сретнете компирчиња со сок од печено месо, со чили, сирење, чили и сирење, со бифтек...
Пржените компирчиња се универзална храна и постојат разновидни начини на кои тие се приготвуваат и сервираат. А која е вашиот омилен вкус и комбинација?