Постојано слушаме дека муслите се одлична храна за нашето тело и преставуваат идеален појадок за започнување на денот. Сепак, дали е навистина така?
На пазарот постојат повеќе видови мусли, па кога избираме некои од нив често се соочуваме со дилемата околу тоа која е најдобрата опција. Затоа во продолжение ви откриваме нешто повеќе за муслите и како самите да ја направите вистинската комбинација за здрав појадок.
Кои се предностите на јадењето муслите?
Вообичаено имаат помалку шеќер и калории од житариците
Богати се со растителни влакна и зрна кои ја регулираат работата на дигестивниот систем и помагаат при одржување на тежината
Претставуваат извор на антиоксиданси
Доколку содржат јаткасти плодови претставуваат и извор на протеини и омега 3 масни киселини.
Зошто муслите понекогаш се нездрава опција?
Многумина не знаат дека нивниот „здрав“ појадок понекогаш може да содржи дополнителни шеќери, калории и маснотии. Во суштина се зависи од тоа каков тип на мусли сте купиле. Доколку ја сакате најздравата варијанта, тогаш треба да внимавате на неколку нешта:
- муслите не треба да бидат печени
- внимавајте на количината која ја консумирате
- барајте производ со низок гликемичен индекс
- насочете се кон мусли кои содржат помалку од 20 грама јаглехидрати по порција
- избегувајте комбинации кои содржат многу сушено овошје (дополнителни шеќери)
Нутриционистите советуваат дека доколку ја сакате најздравата опција на мусли, тогаш е најдобро самите да си ја направите, наместо да купувате веќе направени комбинации од најблискиот супермаркет.
Ќе ви бидат потребни:
- 1 шолја овесни снегулки
- ½ шолја исечкани непечени бадеми
- 1/3 шолја семки од сончоглед
- 1/3 шолја семки од тиква
- 1/3 шолја чиа семе
- 4 лажици ленено семе
- 2 мали лажички цимет
- ½ шолја кокос (по избор)
Подготовка:
Измешајте ги сите состојки и ставете ги во тегла со добар капак. Можете да ги консумирате со млеко или јогурт и по желба да додадете малку свежо овошје.