Со оглед на тоа што летото е во полн ек, многумина од нас се на диета веќе некое време, стремејќи се на плажа да изгледаат колку што може послабо и попривлечно. Но, губењето на килограмите не се одвива секогаш онака како што очекуваме.
Затоа, ви претставуваме листа на намирници кои ќе ви помогнат да ослабете, а истите редовно се наоѓаат на менито на луѓето на чија линија им завидуваме.
Вода
Со повремено пиење на вода во текот на целиот ден ќе успеете да го залажете организмот и да ја замените потребата за храна со потреба за вода. Доколку ја пиете ладна истата ќе ви го забрза метаболизмот. Можете да направите и природна ароматизирана вода со едноставно додавање на сезонско овошје или лековити билки. Вкусот што ќе го добиете е фантастичен!
Чоколадо
Да, вистина е дека темното чоколадо со повеќе од 75 % какао ќе ви помогне да ослабете, на тој начин што ќе ви ја задоволи потребата за благо. Но, ова не значи дека ви е дозволено да јадете темно чоколадо кога и да ви падне на ум! Неговата препорачана дневна доза е 30 грама.
Малини
Малините се одлични бидејќи ќе ви помогнат подолго да се чувствувате сити. Една шолја малини содржи 8 грама растителни влакна, а во нивниот состав предводи водата со дури 85 проценти, заради што не мора да се плашите од нивната консумација.
Јајца
Доколку за појадок најчесто внесувате јаглени хидрати, обидете се да ги замените со протеини. Јајцата го зголемуваат чувството на ситост, што пак го намалува вкупниот енергетски внес. Жените кои внесуваат поголема количина на протеини за време на појадокот се чувствуваат задоволни и сити, заради што имаат помали шанси подоцна во текот на денот да посегнат по нездрава ужина. Во просек, високо-протеинскиот појадок може да ве поштеди од внесување на дополнителни 200 калории во вечерните часови.
Спанаќ
Секојдневно внесувајте зеленчук со зелена боја бидејќи истиот е сиромашен со калории. Особено добар вид е спанаќот, бидејќи неговата содржина на железо помага во одржување на нивото на енергија во организмот, што ви овозможува да донесете подобри прехранбени избори. Исто така, железото е неопходно за кислородот да се транспортира до клетките кои го користат за создавање на енергија и топење на мастите. За да може организмот што подобро да го апсорбира овој минерал, комбинирајте го со витаминот Ц, во природна форма, на пример со лимон.
Кисели краставички
Одлични се бидејќи ја задоволуваат потребата за солено, а содржат толку малку калории што при нивното варење ќе потрошите повеќе отколку што ќе внесете.