Наместо да се разладувате под клима уредот и да пиете купечки напитоци, телото ќе ви биде благодарно доколку го почастите со домашен и здрав освежителен напиток. Ви претставуваме рецепти за 3 напитоци кои не само што го разладуваат телото, туку и ја регулираат телесната температура и ги чистат насобраните токсини од организмот.
Напиток од јогурт и вода
Комбинацијата на вода и јогурт е позната под името „lassi“ и претставува традиционален пијалак во Индија. Благодарение на пробиотиците кои ги содржи, особено е корисен за дигестивниот систем, а со додавање на неколку сочни парчиња овошје, ќе му го пружи на телото потребното освежување.
Состојки:
- 2 дл јогурт
- 2 дл вода
- 1 лажица мед или јаворов сируп
- половина шолја исечкана диња
- половина шолја боровинки или рибизли
Ставете ги во блендер сите состојки и мешајте додека смесата не стане хомогена. Напитокот ставете го во ладилник и уживајте во неговиот освежителен ефект.
Вода со краставици и нане
Водечкиот борец против горештините меѓу зеленчукот е краставицата, која изобилува со вода и покрај тоа што разладува, ефикасно го чисти телото и ги остранува токсините. Ливчињата нане, пак, ја ароматизираат водата и испуштаат својства за разладување.
Состојки:
Краставицата исечкајте ја на кругчиња и доадете ја во водата заедно со исечканите ливчиња нане и чувајте го напитокот во фрижидер за да биде ладен при послужување.
Напиток од ѓумбир
Иако ѓумбирот најчесто го гледаме како зачин кој има пикантен и лут вкус, доколку го вклучите во пијалак, тој ќе ви помогне во регулирање на телесната температура.
Состојки:
-
1 литар минерална вода
-
Свежо исцеден сок од лимон или лимета
-
30 гр свеж изрендан ѓумбир
-
1/3 шолја исечкани ливчиња нане
-
1 лажица мед
Ставете ги во блендер сите состојки и миксајте додека не добиете хомогена смеса, а потоа ставете го пијалакот во фрижидер. На здравје!