Ресаните се меѓу најомилените десерти на децата, но ниту возрасните не можат да се воздржат да не посегнат со рака по нив. Ви претставуваме едноставен рецепт за Ресана торта, која ќе ја направите навистина лесно и брзо, а на нејзиниот вкус нема да можете да му одолеете!
Потребни состојки:
- 5 пакувања ресани
- 150 гр маргарин
- 50 гр млечно чоколадо
- 150 мл млеко
- 5 лажици шеќер
- 100 гр чоколадо за готвење
- 1 лажица масло
Подготовка:
Исечкајте ги ресаните на постини парчиња и прелијте ги со претходно растопениот маргарин, растопеното млечно чоколадо, млекото и шеќерот. Добро промешајте ги, оставете ги да се оладат и ставете ги во тавче или калап обложен со фолија. Оставете ја смесата во фрижидер на неколку часа за да се олади и зацврсти, а потоа извадете ја од калапот и прелијте ја со глазура од растопеното чоколадо за готвење и маслото. Кога глазурата ќе се зацврсти, можете да ја послужите тортата. Уживајте!