Остане во кревет и предложете го рецептот на некој друг. Станете и нацртајте си насмевка со печените бобинки на кои никој нема да може да им одолее!
Како да заситите 4 до 6 гладни луѓе кои сакаат нешто слатко, свежо и печено за појадок? Ви нудиме едноставен рецепт за кој вам ќе ви треба половина час.
Што велите за оваа комбинација: шумско овошје, мелени бисквити, житарки, сето тоа кратко запечено, па прелиено со овошен јогурт, а за „грешно“ добро уживање додадете многу сладолед!
Потребни состојки:
За филот:
- 700 гр. шумско овошје (јагоди, боровници, малини, рибизли...)
- 100 мл. јаворов сируп
- 50 гр. шеќер во прав
- 3 лажици овесни снегулки
- 2 лажици вода
- 1 лажица сок од лимон
- Малку цимет
За тестото:
- 300 гр. овесни брашно
- 1 лажица прашок за пециво
- Малку сол
- 60 гр. путер (исечен на мали парчиња)
- 2 лажици млеко
- 2 лажици јаворов сируп
- 1 јајце
Подготовка:
Направете го филот така што ќе ги помешате шумското овошје, јаворовиот сируп, шеќерот и циметот, па ставете ги во сад и загрејте на среден оган до вриење. Варете 3 до 4 минути додека не добиете хомогена смеса налик на сируп.
Во помал друг сад измешајте ги овесните снегулки, водата и лимонот, па додајте ја смесата со шумското овошје и варете уште додатни 2-3 минути. Константно мешајте и варете на тивок оган додека смесата не започне да се згуснува.
За да го направите „тестото“ измешајте го овесното брашно, прашакот за пециво и додадете малку сол во поширок сад и додадете го путерот исечен на коцки. Во мал сад измешајте едно јајце, млеко и јаворов сируп. Придодајте ги течните состојки на сувите па мешајте додека не постигнете хомогена смеса.
Во мал сад ставете го прво филот, а потоа прекријте го со претходно опишаната смеса за тесто. Печете 25 до 30 минути на 185 степени. Имајте на ум дека филот мора да биде сочен, а кората да има златна боја.
Декорацијата ви ја оставаме на вас, сакате да рендате чоколадо или пак да додадете сладолед...
Добар апетит!